Futibolista kabu-verdianu Stopira ileitu midjôr lateral esquerdu di kampiunatu húngaru di temporada 2017-2018 – tambê djugadôr di Mol Vidioton Football Club stá na 11 ideal di kumpitisôn.
Kêli ê sugundu bez ki lateral eskerdu di 30 anu stá resêbi rekunesimentu li, pa grandi épuka kê fazi e ki finda ku títulu di Kampiôn Húngaru.
Mésmu rekunhesimentu djá konkistadu pa ôtus kriôlu – ê kazu di Djanini, Ricardo Gomes, Fermado Varela e Garry Rodrigues.
E falando na Garry Rodrigues, di Galatasaray, na temporada 2017-2018 ileitu midjôr extremu esquerdu di Liga Turku di Futiból.
Na épuka passadu Garry fazi 40 djogu, ê marka 10 gôlu e ê djuda Galatasaray a konkista Kampiunatu Turku pa vigésimu pruméru bez na si stória.
Djugadôr di 27 anu kumêsa ta djuga na Holanda, dipos ê bai Purtugal, Alemanha, Bulgária, Espanha, Grécia e oji ê sta na Turquia.