Atleta olimpika kabu-verdiana Maria Andrade más konshedu pa Zezinha stá na Kabu Vêrdi pa lansa um prujetu di empreendedorismu susial atravéz di desportu.
Prujetu ki txôma Maria Andrade – Sport4life Young Change Maker ta ser lansadu manhãn na Séntru Nhô Djunga na Són Visênti.
Objetivu ê inkoraja jovem e kriança ki ta stá na situasôn di risku pa pratika disportu – um forma di dribla mal susial, omenta rendimentu skolar e promovi igualdadi e equidadi di géneru.
Prujetu ta pretendi inda promôvi idukasôn olimpiku através di plataforma Disportu pa vida.
Alguns parsêru di inisiativa, aprovadu pa Kumité Olimpiku Internasiunal ê: Klubi Olímpiku di Són Visênti, Sentru Nhô Djunga e Uniôn Disportivu Solidariedadi e Inklusôn Sucial.
Na âmbitu di prujetu, Zezinha ta partsipa na fórum Olimpismo em ação e na formasôn Seja especialista em aprender e partilhar, na Jogos Olímpicos di Juventudi na Buenos Aires, Argentina.
Maria Andrade – Sport4life Young Change Maker tem durasôn di um anu e ê ta pretendi apoia sérka di 70% di criança na situasôn di rua na Séntru Nhô Djunga na Són Visênti.