Abertura di Internacional Film Festival, oji na Sal, ê ku filmi Firmeza di Paola Zerman. Filmi gánha resentimenti Prémiu di midjõr dukumentáriu pikinoti na Silicon Valley African Film Festival na Merka.
Di kês 23 fimi ki kandidata, 16 stá kumpiti pa Prémiu di Midjôr Longa Metragem, Midjôr Longa Metragem-Dukumentáriu, Midjôr Kurta-Metragem, Midjôr Kurta Metragem-Dukumentáriu e Prémiu Parda.
Kês silesionadu na Longa-Metragem ê: The invisibles, No mind, We don’t live here anymore, Tope Oshin e Till death; na Longa-Metragem Dukumentáriu Bando, Na linha da frente e Kalunga.
Na Kurta-Metragem stá konkorri Vanilla, Assia, We will live e Heather has four moms e na Kurta-Metragem Dukumentáriu stá konkorri Firmeza, Chidra, The northern houses e Not an isolated story.
Prémius ê votadu pa Júri di Fistival e vensidôr ta anunsiadu na fim di eventu, ki ta kongrêga arti, sinema ku mostra di filmi, tiatru e workshop.