Oji na kapital ta ranka 5º idisôn di Fistival Internasiunal di Cinema di Praia ki txoma Plateau ku 27 filmi na kumpitisôn.
Abertura ê ku filmi Djon África, di Filipa Guerra e João Guerra – um trabadju ki ta ritrata stória di Miguel Moreira, más konshedu pa Djon África, fidju di kriolu ki nansi na Purtugal.
Êss anu eventu t’omenagia um di kês mentôr di Fistival – jornalista e cineasta António Loja Neves, ki mórri na mês di Maio dêss anu.
Além di Kabu Vêrdi, kês ôtu prousôn di Fistival ta bem di Brasil, Purtugal, Senegal, Moçambique e Burkina Faso.
Ti Sábadu stá previstu projesôn di filmi na munti zona di Praia, master class ku produtôr e realizadôr, mostra temátiku spisial pa criança e dibati.