Edena Lima e Wilson Cabral ê kês vensidôr, femininu e maskulinu, na principal prova di kurrida di São Silvestri 2018 di Praia.
Na prova rainha, di 10 kilometru dupla ki ta fazi parti di Emicela Team Kabu Vêrdi foi kês más rápidu.
Wilson Cabral finda prova ku témpu di 34 minutu e 40 sugundu. Si traz txiga Kueny Miranda, di Djarfôgu ki korta meta na 35 minutu e 29 sugundu. Midalha di Bronze, na maskulinu, bai pa António Freire. Rapaz di Somada kompleta prova na 36 minutu e cinco sugundu.
Na femininu atleta di Santantôn, Edena Lima, finda prova na 46 minutu e dôs sugundu. Logu si traz txiga Bernardete Nunes (50 minutu e 30 sugundu) e Zélia Rodrigues (53 minutu e 22 sugundu).
Tradisiunal kurrida apadrinhadu pa atleta paralímpiku e atual kampiôn mundial di 60 metru barrêra na disportu adaptadu, Gracelino Barbosa.