Violinista francês Martin Rose stá na Són Visênti ta pripara si pruméru álbum a solu pa omenagia um grandi amiga di sêl ki djudál konshi kultura kabu-verdiana – Cesária Évora.
Keli ê um prujetu didikadu pa músika tradisiunal di Kabu Vêrdi ku distaki pa Morna – kandidata a Patrimóniu Imatrial di Humanidadi.
Trabadju ta bem ku 12 músika – êntri ês kompusisôn di B.Léza, Eugénio Tavares, Morgadinho e Manuel de Novas tudu interpretadu ku violinu.
Artista kumêsa gravasôn na Purtugal e góssi ê stá na Són Visênti ta finaliza trabadju ku apoio di instrumentista sima Bau e Zé Paris. Spetativa ê ki disku ta txiga merkadu na verão.