Kabu-verdiana Dandira Veiga konkista korôa di Miss West Africa International 2018/2019. Konkursu kuntisi na Gâmbia ku kandidata di 15 país.
Mariatou Sarr, kandidata di país anfitriôn, Gâmbia, ilegêdu 1ª dama e faixa di 2ª dama bai pa kandidata di Nigéria, Ilesanmi Justina Ifeoluwa.
Keli foi sextu idisôn di konkursu di mudjêr más bunita di Oeste d’Áfrika e Kabu-Verdi djá konkistal dôs bez – pruméru bez foi na 2011 ki Vany Reis trazi korôa pa kaza.
Dandira Veiga, nova Miss West Africa International 2018/2019 ê di Paiol. Na 2016 ê foi miss Praia e 1º dama na konkursu Miss Kabu Vêrdi. Tambê na 2018 ê riprisenta Kabu Vêrdi na Miss University Africa.