Jenifer ê nóvu hit di mumentu ki djá inspira kriasôn di munti meme na internet e munti atôr di Stand Up na Brasil. Kantôr Gabriel Diniz kai na boka di povu dipôs di grava ess forró ki ta fala di um pikena kê konxi na aplikativu di relasionamentu: Tinder. Vidiu di músika tambê stora na númeru di visualizasôn. Serka di 2 mês dipôs di lansadu ê atingi más di 10 milhôn di visualizasôn. Tambê Jenifer djá sta kandidata pa musika di Carnaval 2019. Di tantu sucessu ki musika sta fazi alguns skola ki ta pripara alunu pa fazi prova di acessu pa universidadi tem diskontu di 50% pa tudu aluna ki txôma Jennifer.
