Camões Crioulo e a História das Ilhas ê títulu di nóvu livru di skritora Maria Augusta Teixeira, más konshedu pa Mana Guta, ilustradu pa Jija Teixeira, ki t’aprisentadu oji na Biblioteca Nasiunal, na Praia.
Livru di kontu infantu-juvinil, editadu pa Casa e Verbo, ta bem ku 13 kontu e ê t’omenagia personalidade, stória e rigiôn di Kabu Vêrdi.
Aprisentasôn di trabadju ta fazêdu pa Carlos Alberto Sousa más konshedu pa Princezito e pa prussóra Heldigarda Brito.
Kênha kê Mana Guta
Membru d’ Assosiasôn di Studu Linguistiku di Sociedadi kabu-verdiana d’autôr e d’Assosiasôn di Skritôr di Kabu Vêrdi, Maria Augusta Teixeira, konshedu pa Mana Guta ganha, na 2015, Prémiu Lusófono di Litratura Infanto-Juvinil e Menção Honrosu di Prémiu Matilde Rosa Araújo. Mana Guta tambê gánha Prémiu Nasiunal di Inklusôn, na ária di literatura na 2012.
Djê skrêbi: “Outras Pasárgadas de Mim”, “Camões Crioulo”, “Nhu Mar”, “O Senhor Araújo”, e “Dá-me de Beber”.