Ti ki nu odja ê títulu di um kurta metragi ki Parallax Produções ta lansa nêss Dia di Mudjêr kabu-verdiana.
Dukumentáriu ta konta stória di dôs mudjêr kabu-verdiana ki ta vivi na Moçambique djá tem más di 60 anu. Dona Conceição e dona Joaninha ê spedju di um gerasôn ki dexa sês sonhu, família e tudu más pa fugi di fómi n’ arquipélagu.
Filmi di 15 minutu, di rializadora Samira Vera Cruz, ta sirbi pa mostra realidadi di kês mudjêr e tambê pa mobiliza rekursu pa filma um longa-metragem ku mésmu tema.
Ideia ê mostra vida di alguns mudjêr kabu-verdiana ki imigra pa Moçambique.
Tambê produtora sa ta trabadja manênti na pré-produsôn di um ôtu longa metragem ki txôma “E quem cozinha?” – Filmi ta konta stória di um jovem cega. Tambê ê ta aborda kistôn di géneru e desigualdade susial.
Odja Trailer Oficial