Kabu Verdi sta riprisentadu na 1º idison di Play- Prémiu di Músika Português ki sta markadu pa dia 9 di Abril na Coliseu dos Recreios, na Lisboa.
Entri kes nomiadu sta kabu-verdianu Nelson Freitas ki sta indikadu na katiguria Prémiu lusofonia ku músika Nubian Queen. Kantor sta disputa truféu ku angulanu C4 Pedro (Se Eu Soubesse) e Matias Damasio (Nada Mudou) e brasilera Ludmila (Din Din Din).
Tambê Dino d’ Santiago risebi nomiason na dôz katiguria: Midjor Artista Solo e Midjor Disku ku si mas novu CD ke da nomi di Mundu Nobu.
Dja Boss AC sta konkorri pa prémiu di Midjor Vidiu-Klip ku si susessu Queque Foi ki bem na si mas novu disku A vida Continua.