Emprofac e Inpharma stá apia, ku medikamentu, vítimas afetadu pa ciclone Idai, ki atingi Moçambique e kauza munti morti.
Ta doadu medikamentu di pruméru necessidade sima analgésiku, anti-inflamatóriu, anti-bacterianu e anti-histamíniku.
Ramêdi ta intregadu pa Prugrama “Beira no Coração”, um iniciativa di primêra dama di Kabu Vêrdi, Lígia Fonseca, dzinvolvidu ku ôtus instituisôn, organizasôn e personalidade di mundu artístiku e empresarial pa delineia um planu d’intervensôn pós-crise.
Show Solidáriu
Tambê kantôra britânica Joss Stone stá bem atua na kapital, dia 6 dêss mês. Tudu dinhéru konsiguidu ku konsertu ê pa apoia vítimas di ciclone Idai.
Na show ki txôma “Djunta mon pa Moçambique”, kantôra tambê stá dá tudu si cachê pa apoia causa.
Eventu ê realizadu pa impreza kabu-verdiana Parallax ki ta djunta a ONG moçambikanu Makobo ki stá bai resêbi dinhéru pa djuda populasôn di Beira, ki foi gravementi atingidu pa kêl desastri ambiental.