Bitori nha Bibinha dja sta konfirmadu na gala di silebrason di Dia Mundial di Direitu di Autor, Noite de Autores organizadu pa Sociedade Cabo-verdiana de Música, SCM.
2º idison di iventu sta markadu pa dia 14 dês mês, na Prasa Luís di Camôes konxedu tambê pa Prasa di Skola Grandi.
Ku lema Djuntu pa Direitu di Autor e Direitu Conexu na Kabu Verdi, SCM es anu sta leba pa gala lenda di funaná, Bitori nha Bibinha ki grava si 1º disku ku 60 anu di idadi.
Músiku natúral di Midjor Branco, na Son Domingos, gossi ku 81 di idadi tem alguns kompusison gravadu pa konjuntu Ferro Gaita.
Bitori di nha Bibinha ki tem formadu novu gerason di funaná dja kustuma atua na Atlantic Music Expo (AME) e fora di país.