New Born é titlu di 4º disku di artista kabu-verdianu Djodje ki dja sta disponivel na tudu plataforma digital.
CD di 11 músika é um ominagem pa si fidju ku tema Santiago, si mãe ki sirbi di inspirason pa single Lena e si kumpanhera Kady Araújo ki risebi um diklarason di amor d’artista ku tema Superstar.
Djodje konbida pa partisipa na disku Jimmy P, fadista portuguesa Cuca Roseta e rappers kabu-verdianu Mito Kaskas, Elji Beatzkilla e Loreta.
Artista di 30 anu rializa fim di simana ki passa um konsertu na Campo Pequeno na Lisboa, konsideradu um di kes maior sala di spetáklu di Portugal.