Kantôr kabu-verdianu Dino D’Santiago foi kêl más premiadu na pruméru idisôn di Play – Prémiu di Músika Purtuguês. Ê gánha tudu três katiguria kê staba nomiadu.
Di kês 12 katiguria di prémiu, kabu-verdianu gánha prémiu na katiguria Midjôr Artista Solo, Midjôr Álbum, ku disku Mundu Nóbu, e Prémiu di Crítica. Kêl últimu prémiu li dadu pa um grupu di serka di 10 krítiku di músika português.
Prémiu intregadu ónti na Coliseu di Lisboa e entri kês personalidadi kombidadu pa fazi intrega di prémius staba ministru di cultura di Kabu Vêrdi, Abraão Vicente. Tambê staba nomiadu dôs ôtu kabu-verdianu: Nelson Freitas e Boss AC.
Play ê um iniciativa di Assosiasôn PassMúsica, ki ta riprisenta artista, banda e editor diskografiku, ki tem komu objetivu premia midjôr músika konsumidu na Purtugal.