kabalu ki txôma Invasor, di jóquei Valdemar Gonçalves Sousa, di Santantôn, gánha kurrida pa silêbra Dia di Munisipiu di Praia pa 2º bez konsekutivu.
Invasor gánha prova na katiguria di “Kabalu Puru Sanguei Inglês” – na 2º lugar fika kabalu Anak, komandadu pa jóquei Kelvin Neves e na 3º fika égua Arley, di jóquei Rodrigo Fernandes.
Na katiguria “Kruzada Nasiunal” vensidôr foi kabalu Ciclone, komandadu pa jóquei Mauro Semedo. Traz dêl fika kabalu Prince, di jóquei Bilick da Luz, e Nero, di jóquei Odílio Amador.
Kintu idisôn di kurrida kabalu pa silêbra 161 anu di ilevasôn di Praia a katiguria di sidadi organizadu pa Assosiasôn CV Galope. Kurrida kuntisi na Rubêra di Paiol e partsipa kabalu di Praia, Fogo, Són Visênti e Santantôn.