Skritor e jornalista Nuno Rebocho, ki vivi duranti 17 anu na Kabu Vêrdi t’omenagiadu oji pa Câmara Municipal di Santa Catrina, konselhu nundi ê promôvi munti atividadi kultural.
Na Centro Cultural Norberto Tavares stá previstu munti atividadi cultural, inklusive um sarau ku partsipasôn di grupu batukdêra Raiz Finkadu e di David Rocha.
Tambê tem leitura di alguns puéma d’autôr e lansamentu di si livru e “Rotxa Scribida”. Aprisentasôn di livru ta fazêdu pa António Alte Pinho, António Sérgio Barbosa, Inês Ramos e Tchalé Figueira.
Livru iditadu pa Rosa de Porcelana ta fala sobri kês 17 anu ki jornalista vivi na Kabu Vêrdi.
Nuno Rebocho nánsi na Purtugal, ê kria na Moçambique e ê vivi na Praia. Ê trabadja na imprensa skritu e na rádiu na Kabu Vêrdi e na Purtugal e ê foi chéfi di redasôn di RDP – Antena 2. Na Kabu Vêrdi ê foi assessor di Câmara di Rubêra Grandi Santiago e ê foi rekunhesidu Cidadão Honorário di Cidadi Velha.