Músiku kabu-verdianu Ary Morais ta kanta es sexta fera (24), na Noti di Kultura na Drammen e dia seguinti na Festival di Músika na Jessheim. Dja dia 01 di Junho, kantor ta subi palku di Oslo Musikfest.
Artista inda teni spetaklu markadu pa dia 21 di Junho, na Halden Kulturhus e 28 e 29 é ta volta pa Oslo pa partisipa na Festival di Lusofonia.
Pa fitxa digreson di veron, Ary Morais ta kanta pa prumeru bez na Kongsberg Jazzfestival dia 03 di Julho, festival ki ta trazi grandi nomi di músika nasiunal e internasiunal di Kongsberg.
Kantor ki kumesa ta kanta ku 15 anu, na Boavista, dja grava disku: Ka bo Bayembora di 1999, Abraço Tradicional di 2008 e Sonho Cabo-verdiano di 2014.