Kambra di Santa Katrina ta prumovi manhãn (06), konsertu Norberto na Korason, pa ominagea músiku e kompusitor kabu-verdianu, Norberto Tavares, ki si staba bibu ta fazeba 63 anu di idadi.
Ta subi palku David Rocha, João de Sousa, Naty Martins, Silvino Tavares, Zé di Viola e grupu di Batukadera. Tem tambê um palestra sobri kultura kabu-verdiana ku prussor, João Monteiro.
Di oji (05) ti sexta-fera (07) tambê sta abertu um xpusison na Sentru Kultural Norberto Tavares ki txoma A Memória em Objectos ku pertensis di Norberto Tavares.
Artista ki nâsi dia 06 di Junho di 1956, na Somada morri dia 26 di Dizembru di 2010, na Merka, vitima di duensa prulongadu.