Santiagu ta stá riprisentadu pa kompanhia Raiz di Polon ku dôs peça na sétimu idisôn di Fistival Nasiunal di Tiatru SalEnCena ki ta ranka oji ku partsipasôn di 35 atôr.
Na eventu orçado na dôs mil kontu tambê ta partsipa grupus di Sal, Saniklau, Són Visênti e tambê di Purtugal.
Eventu dêss anu t’omenagia Nho Guscar, konsidradu um grandi kontadôr di stória e ki ê avô di bispu Dom Ildo Fortes.
Prugramasôn
Fistival ta ranka na tardi di oji kum arruada – Disfili di partsipantis di eventu ku banda municipal e tamborêru e aprisentasôn di grupu Clown Enano, di Odemira, Purtugal. E Grupu di Tiatru di Sentru Kultural Purtuguês di Mindelo t’aprisenta peça “Tudo Junto Separado”.
Manhã festa ta kontinua ku izibisôn di peça “Os Lisíadas – Viagem Infinita” di Musgo Produção Cultural di Sintra, Purtugal; “Mestre Igor”, di companhia Somá Cambá di Craq’Otchod e Criarteatro di Són visênti e encerramentu di dia di manhãn ê ku peça “Entre o céu, a terra e o inferno” di Grupu di Tiatru Dja d’Sal.
Sábadu atuasôn ta kumêsa ku peça “Litorânea” di Musgo Produção di Purtugal, “Kodé di Dona/Cisne Preto di Raiz di Polon, di Praia e encerramentu ê ku peça “Mestre Igor” um ko-produsôn di três companhia di Són Visênti: Somá Cambá, Craq’Otchod e Criarteatro.
Na dia di encerramentu di Fistival, dia 16 dêss mês, ta aprisentadu peça “Vida de Marioneta” di Valdevinos Teatro, di Purtugal, “Libertenano, di Clown Enano, tambê di Purtugal, “Serenata” di Prujetu Chiquinho di Saniklau e encerramento ê ku peça “Tandava, a dança di shiva”, di grupu Studio 85 di Són Visênti.