Final di idisôn dêss anu di Taça Inter-Ilhas, tambê konshedu pa Taça Independência, ta disputadu êss terça-fêra na Estádiu Orlando Rodrigues na Tarrafal di Saniklau.
Na meias-finais ikipa di Santantôn ilimina Boa Vista pa 4 – 2 e Santiagu derrota Fogo pa 5 – 4, num djogu desididu na penalti dipôs dum impati 1 a 1, na tempu regulamentar.
Na 2009 e na 2011 tambê kês dôs ikipa li nkontra ku kumpanhéru na final nundi ki ikipa di Santiago konkista taça. Ikipa di Santiago djá kustuma konkista taça 4 bez e Santantôn nunca konkistal.
Na prova di Fedrasôn Kabu-verdiana di Futiból stêvi ta partsipa 9 silesôn regional e um di diáspora, riprisentadu pa Merka.
Són visênti ê actual kampiôn di prova e tambê êl ê ikipa ki más txeu bez djá labanta taça – cinco bez. Dipos stá Santiago ku 4 troféu, Sal e Fogo tem um kada kenha.