Grupu di Batuki Finka Pé di Cova da Moura – Purtugal – stá na Kabu Vêrdi pa kumimôra si 30 anu di karrêra ku munti atividadi kultural na ilha di Santiago.
Oji grupu tem um convíviu ku batukadêra di Monte Pensamentu e manhãn ês ta stá na Santa Cruz pa um interkâmbiu ku batukadêra Mosinhus d´Interior di lukalidadi di Matinhu.
Sexta-fêra stá previstu um inkontru ku batukadêra di Rubêra Grandi Santiagu, di palmanhãn, e di nôti na Palásiu Kultura Ildo Lobo stá previstu um show beneficente. Sábadu ês ta atua na Pracinha di Skola Grandi.
Grupu di batuki Finka Pé surgi na 1989 na Bairro Altu di Cova da Moura. Désdi si formasôn, grupu ta didika na divulga e promovi kultura kabu-verdiana atravéz di show di spusisôn.