Koriógrafu kabu-verdianu Mano Preto, di Raiz di Polon, t’aprisênta oji peça “Kodé di Dona” na Palásiu Visconde da Graça, na Lisboa.
“Kodé di Dona” ê pruméru peça dzinvolvidu a solo pa coreógrafu na 2018 na Stídiu Victor Córdon na Lisboa.
Trabadju ê sobri vida e obra di músiku e kompusitôr e txeu konshedu pa si habilidade na toka gaita. Entri kês grandi kompusisôn konshedu di Kodé di Dona stá Febri Funaná, Fomi 47, Praia Maria, Yota Barela, Rofon Baré e Pomba.
Tambê na Purtugal kabu-verdianu stá bai dzinvolvi nóvu peça solo ki txôma “Manuel de Novas”, sobri vida e obra di kompusitôr di morna e koladêra.
Trabadju ta fazêdu ti dia 02 d’Agosto na âmbitu di residência artístiku di País Afrikanu di Língua Ofisial Purtuguês (PALOP) ki ta kuntisi na âmbitu di bolsa dadu pa Fundasôn Calouste Gulbenkian, no valor di 1.500 euro.