Puéta kabu-verdianu José Luís Tavares ta lansa oji na Purtugal si nóvu livru di poesia ki txôma “Arder a vida inteira”.
Ku chancela di editota Abysmo, aprisentasôn ta fazêdu pa Carlos Patraquim ku leitura di Valério Romão e partsipasôn musikal di kantora kabu-verdiana Maria Alice.
Di akordu aku autor trabadju ê um livru di fadu e canção – um tentativa di fala di alguns tema ligadu a tradisôn fadista e di canção.
José Luis Tavares nansi dia 10 di Junho di 1967 na Tarrafal di Santiago. Ê studa literatura e filosofia na Purtugal nundi ê vivi quasi 30 anu.
Entri sês obra publikadu stá: “Paraíso Apagado por um trovão”, di 2003, “Agreste Matéria Mundo”, di 2004, “Lisbon Blues seguido de Desarmonia” e “Cabotagem & Ressaca”, tudu di 2008, “Cidade do mais antigo nome” di 2009, “Coração lava” di 2014, “Contrabando de Cinzas” di 2016, “Polaróides de Distintos Naufrágios” e “Rua antes do Céu” tudu di 2017.