Internasiunal kabu-verdianu Wilson Cabral gánha, êss fim di simana, prova di 17 kilómetru di 9º idisôn di Trail Águas de Teror, Desafios de Los Picos, na Canárias.
Atleta di Santa Catarina, di Santiago, ki ta fazi parti di Emicela Team, fazi perkursu na 1 óra, 23 minutu e 24 sugundu. Si traz txiga dôs spanhol: Janier Lopez e Marco Perez.
Ôtu kabu-verdianu ki partsipa na prova foi Kueny Miranda, ki disputa na katiguria di 28 kilómetru. Jovem atleta di djarfogu finda perkursu na 7º lugar.
Eventu konta ku partsipasôn di 1.700 konkorrenti na prova di 10, 17 e 28 kilometru. Prova ê pontuavel pa Copa e Kampiunatu di Canárias na prova di Kurrida e Montanha.