Skritôr kabu-verdianu Germano Almeida stá entri 40 autôr di língua purtuguês ki sês obra stá bem traduzidu pa ôtus língua, na âmbitu di Prugrama d’ Apoiu pa Idisôn, di Institutu Camões, di Purtugal.
Além di kabu-verdianu ôtus 5 autôr di país di língua purtuguês silesionadu. Ê ês: José Eduardo Agualusa e Ondjaki, di Angola, Milton Hatum e Clarice Lispector, di Brasil, e Gisela Casimiro, di Guiné-Bissau.
Prugrama tambê stá benefisia editora di Alemanha, Arménia, Bielorrússia, Bulgária, Chile, Colômbia, Croácia, Dinamarca, Egito, Eslováquia, Espanha, França, Grécia, Hungria, Índia, Itália, Macedónia, Países Baixos, Polónia, China, Roménia, Rússia, Sérvia e Ucrânia.
Na idisôn dêss anu Instituto Camões stá bem apoia 52 kandidatura di 24 país.