Ta ranka oji na Són Vidênti 4º idisôn di Fistival Nasiunal di Cinema e Audiovisual di Kabu Vêrdi, “Oiá”.
Ess anu fistival t’omenagia kês pruméru vídeo klubi ki surgi na Kabu Vêrdi, em spisial kês di Són Visênti, pa ses kontributu na idukasôn visual nasiunal e tambê modi kês kontribui pa dzinvolvimentu di trabadju di nôs cineasta.
Eventu ki ta bai ti dia 13 dêss mês ê divididu na quatu vertenti: Izibisôn di filmi nasiunal, formasôn, reflexão ku alguns mumentu di dibati e um prugramasôn musikal ki txôma “Uvi”.
Tambê na idisôn dessa nu stá dadu más distaki pa kês trabadju nasiunal produzidu êss anu pa mostra dinâmica di sector.
Di akordu ku organizasôn Oiá ê um festival ki ta posisiona komu um skóla pa jovem ki tem vontade, paixão e putensialidadi pa arti.