Morna dadu nota pusitivu pa Unesco pa ser klassifikadu Património Imaterial di Humanidadi pa Organizasôn di Nações Unidas pa Idukasôn, Ciência e Kultura, Unesco.
Kandidatura aprisentadu na mês di março di anu passadu e aprisentasôn di kês novu Patrimóniu Imatrial di Humanidadi ta fazêdu di 9 ti 14 di dizémbru na Colómbia. Portanto, nakêl data li ki ta sabêdu si Morna skodjedu.
Distinsôn kriadu na 1997 pa Organizasôn di Nações Unidas pa Idukasôn, Ciência e Kultura pa protesôn e rekunhesimentu di Patrimóniu Kultural Imaterial ki ta abrangi spressôn kultural e tradisôn preservadu pa futuru gerasôn.
Di dôs em dôs anu ta skodjêdu novus patrimóniu e ti góssi lista di Unesco djá stá ku 90 bem imatrial inskritu.
Kel avaliasôn pusitivu djá ê mutivu di orgulho, pur issu Parabéns Kabu Verdi e obrigadu pa tudu kenha ki ta akredita, ta promôvi e ta poi kêl kê di nôs riba lá.
Praia FM 20 anu no ar. 20 anu ta promôvi Morna. Ta promôvi kompusitôr di Morna. 20 anu ta promôvi intérprete di Morna