Kuntisi êss fim di simana, na Són Visênti, 7º idisôn di Gala Nasiunal di Disportu Kabu-verdianu, um eventu ki anualmenti ta rekunhêsi kês midjôr atleta, personalidadi di mundu di disportu e instituisôn disportivu kabu-verdianu ki distaka, na últimu épuka.
Ikipa di Mindelense resêbi prémiu di Mérito/Alto Prestígio, atleta paralímpico, Gracelino Barbosa, konkista títulu di Personalidadi d’Anu.
Aquilino Fortes, di ikipa d’andebol Atlético d’ Mindelo konkista prémiu di Treinadôr d’ Anu, troféu di Atleta Promessa bai pa futibolista Melani Fortes e ginasta Márcia Lopes konkista prémiu Fair-Play.
Eskilson Nascimento, di atletismo, lêba prémiu di Midjôr Atleta Maskulinu Residenti e Rosângela Correia, na andebol, gánha Midjôr Atleta Femininu Residenti.
Árbitro do Anu ê Fabrício Duarte, di futebol; dirigente d’ anu ê Alcinda Lima di Karaté, Ikipa d’Anu ê silesôn femininu di futibol di praia, Atleta Diáspora Maskulinu ê Ivan Almeida, di basquetebol, e Prémiu Karrêira bai pa Club Ténis di Mindelo.