Kabu Verdi tem um grupu grandi nomiadu pa prémius African Muzik Magazine Awards – Afrimma 2023.
Djodje, Soraia Ramos, Nenny, Lisandro Cuxi e DJ Danni Gato ê kês nomi di nôs kriolu ki sta na lista.
Djodje stá nomiadu na katiguria di midjor artista maskulinu di África Central. Na mesmu katiguria femininu sta nomiadu Soraia Ramos e Nenny.
Na katiguria di midjor artista lusófunu stá 3 kabu-verdianu: Lisandro Cuxi, Soraia Ramos e Djodje.
Dj Danni Gato ta riprisenta Kabu Verdi na katiguria di midjor DJ d´Áfrika.
African Muzik Magazine Awards ê um serimónia anual di premiasôn musikal kriadu pa rekompensa e silebra trabadju musikal, talentu e kriatividadi na nos kontinenti.