Akadémika di Praia e Mindelensi di Són Visênti ê kês ikipa ki stá bai disputa final di kampiunatu – Akadémika stá traz di si 1º títulu nasiunal e si Mindelense gánha ê ta konkista troféu pa 13º bez.
Êss fim di simana pa sugundu môn di meias-finais Akadémika gánha Foguetões di Santantôn pa 1 – 0 – mésmu resultadu ki Mindelensi gánha Palmeiras di Sal.
Final entri Mindelense e Akadémika di Praia ta ser disputadu num úniku djogu ki stá markadu pa dia 2 di Junho na Estádiu Munisipal di Porto Novo na Santantôn.
Taça di Kabu Vêrdi
Êss fim di simana na jornada inogural Batuki di Són Visênti gánha Ultramarina di Saniklau pa 4 – 1 e ê apura pa meias finais.
Akadémika di Porto Novo gánha Rosariensi pa 1-0 e di akordu ku sorteio Akadémika. inda tem ki disputa más um djogu na sugundu fazi di prova
Akadémika di Fogo iliminadu na casa dipôs di perdi pa 3 – 0 na penalti ku Morabeza di Brava – djogu bai pa penalti dipôs di impati 1 igual na tempu regulamentar e na prolongamentu – assim Morabeza ta avança pa próximu fazi di taça.
Djuntu ku Batuki e Morabeza tambê stá na meias-finais, Sporting di Praia ki gánha Onze Unidos di Maio pa 2 -1 e Santa Maria ki ilimina Sal-Rei kum vitória di 4 -0.
Sugundu iliminatória ta programadu pa dia 1 di Junho – vensidôr di 2º iliminatória ta komplêta leki di quatu ikipa apuradu pa final four ki ta kuntisi na Praia di 5 ti 9 di Junhu – inkluindi meias-finais e final.