Alberto Koenig teni konsertu markanu pa es sabadu, dia 06, na Sentru Kultural di Mindelo, na Son Visenti, dentu di Projetu Jazz Verde.
D´akordu ku sentru kultural di Mindelo, Alberto Koenig ê un di kes kompositor i un kontador di storia di emoson ki ta imbala musika ku si violon i trazi konfortu na voz.
Alberto Koenig ki nasi na havana, kuba, i kria na Praia, ta mistura Soul, Jazz, Funk, Dub, MPB e Reggae ku músika di Kábu Vêrdi.
Keli ê prumeru tour nasional d´artista pa prisentason di si prumeru álbum Trevoluson.
Sugundu artista Trevoluson ê um prujetu ki ta riprisenta konsolidasôn di si 1º siklu artistiku. Kês sete músika di trabadju ê tudu sinadu pa própi artista.
Di akordu ku artista, na álbum, sinergia entri cor, aroma e sonoridadi ê kuidadosamenti entrelasadu, ta prenxi tudu sentidu ku dósi necessáriu di mergulhu artístiku.
Inda na disku, Koening ta brinka ku palavras nundi ê ta transformás na konstrusôn kriativu. Um exemplu dissu ê propi nomi di álbum: Trevoluson ki ta riprisênta ivolusôn di revolusôn através di transformasôn traduzidu pa palavras: trevo, luz e som.