Novu álbum di artista kabu-verdianu Adê entra na lista di dezembru di kês 40 midjôr lansamentu na katiguria di World Music.
Tabela ilaboradu pa Transglobal World Music Chart – um influenti rêdi internasiunal ki ta reuni krítiku musikal di 5 kontinenti.
Disku “Hello Cabo Verde”, ki landadu resentimenti stá na pusisôn 26 di ranking kompostu pa 40 lansamentu.
Adê di djarmaio ê úniku kabu-verdianu e um di kês poku musiku independenti ki stá na lista.
“Hello Cabo Verde” gravadu na Barcelona, nundi ki artista ta vivi, ta bem ku 10 músika ku partsipasôn di 35 músiku di diferenti nasiunalidadi.
Disku ta fazi um viagem pa música tradisiunal kabu-verdiana musturadu ku stilu kontemporaniu.
Trabadju dura dôs anu pa fazêdu e aprisentasôn na Kabu Verdi stá programau pa 1º simestri di 2022.