12º di Atlantic Music Expo (AME), sta kuntisi manenti na Praia ku músika, konfrensia e xpusison.
Pa oji sta markadu Konfrênsia Youtube, undi priokupason é sabi modi ki artista, plataforma e teknulugia sta lida ku próximu era di músika global e modi ki streaming e intiligênsia artifisial sta abri oportunidadi global pa merkadu di músika.
Inda nes kinta-fera (08), Palácio Cultura sta risebi workshop sobri modi ki artista podi prisenta si prujetu musikal.
Artista ki ta subi palku oji é Faraualla ( Itália), Alicia Freitas ( Cabo Verde ), Nara Couto ( Brasil), Mindela ( Cabo Verde), Eri Manuel (Cabo Verde), Pois Pois ( Portugal), Zale Seck ( Senegal) e Mark Delman ( Cabo Verde).
Além di músika e konfrensia, Praça Alexandre Albuquerque na Plateau sta risebi ti sábado, xpusison ku produtu di diferenti ilha.