Ta lansadu oji na Auditóriu di BCA/Garantia/A Promora, na Praia, livru “Ilha formose e outras mornas”, di kompusitôr Amilcar Spencer Lopes, konxedu pa Mikinha, natural de Saniklau.
Livru ê um kompilasôn di 19 morna ki além di letra ta ta trazi partitura di tudu 19 morna e ê tem komu nobidadi acord pa violão.
Títulu di livru ê tambê nómi di pruméru morna ki autor didika pa si ilha. E kês kompusisôn kompiladu ta fala di si país, pessoas di relasôn di autôr, mar, amizade, amor e paixão.
Livru kê um rekunhesimentu di morna, foi ilaboradu num parceria ku kompusitôr, pianista, prussôr e orquestrador Humberto Ramos ki ta vivi na Purtugal desdi 1990.
Aprisentasôn di trabadju ta fazêdu pa Zeca Couto e Jotacê. Dipôs di aprisentasôn ta fazêdu um demostrasôn musikal ku autor kumpanhadu pa um grupu di amigus.
Kenha kê autor
Amílcar Fernandes Spencer Lopes nansi na Vila di Rubêra Brava na Saniklau, ê studa na Purtugal nundi ê fazi parti di konjuntu “Quês Moce” nundi ê grava um LP ku 4 kompusisôn di sêl. Dipôs, na Són Visênti, ê fazi parti di grupu “Diapasão”. Mikinha tambê ê autor di letra di Hino Nacional.