Tudu prontu pa ranka anu letivu 2018/2019 na Praia. Êss anu stá inskritu 18 mil alunu na Ensinu Básiku, 17 mil na Ensinu Sukundáriu e sérka di 7 mil na pré-skolar.
Na tutal, na konselhu di Praia stá inskritu sérka di 41 mil alunu ki tem komu nobidadi laboratóriu WebLab ku objetivu di proporsiona spiriênsia di informática, na ária di robótica pa studanti.
Tambê na próximu anu letivu, ki ta ranka dia 17 dêss mês, ta stá konkretizadu alargamentu di ensinu obrigatóriu ti 8º anu, ku isensôn di propina pa alunos di 7º e 8º anu.
Priparu pa próximo anu letivu
Stá kuntisi manênti na Praia um formasõn na Método Kodály pa 38 prussôr, kordenadôr d’Ensinu Básiku e prufissiunal ki ta lida ku músika.
Formasôn ki ta dadu na Cesária Évora Academia de Artes ê frutu dum parceria entri Ministériu d’ Idukasôn e Kultura e Koprasôn Húngaru.
Método Kodály ta uza téknika d’ensinu atrativu e eficaz ku foku na kantu e prática coral, ku objetivu di dzinvolvi literacia musical e valoriza língu kabu-verdiana e português.