Arteson i artista plastiku sta num formason di pintura na serâmikua, stera na Sentru Kultural Armand Montrond nu parseria entri Kamara Munisipal di Son Filipi i di Palmela di Purtugal.
Pa ministra formason bem di Purtugal presidenti d´Assosiason pa Desenvolvimentu Regional di Península de Setúbal, Joaquim Carapeto e formadora Lurdes Santos.
Sta partisipa 16 arteson i artista plastiku di Fogo i Brava. Pa formason, Munisipu di Palmela, dá ma munisipiu di Son Felipe ekipamentu i material ki ta uzadu duranti formason.
Objetivu di formason ê kapasita formando, prinsipalmenti joven i mudjer, pa prendi i kria autoempregu ki ta djudas tem algum redimentu pa sis sobrevivensia na área di artesanatu i pintura.