Artista Djam Neguin ta lansa oji na Auditório di Hotel Praia Mar, na Praia si nóvu EP.
Kriolography ê um trabadju di fusôn ku géneru di músika di munti paragem di mundu musturadu ku músika tradisiunal kabu-verdiana.
Trabadju di 7 músika ta bem ku três ki djá nu konshi kê: Dansa, Jazz Badio e Menos Alcool, Mais Vida. Dôs ê Cover – “Lua di Princezito e kelotu ê um adaptasôn di poema di Amílcar Cabral, Mamãe Velha. Kel últimu li fazêdu um verson mudernu, um Samba-Hip hop ku jazz musturadu”, sima Djam Neguim ta splika.
Kês ôtu músika di disku ê: Stória, Stória, Kriolography e Boi de cara preta.
Pamodi Kriolography? “Kriol pamodi a nôs ê tudu musturadu sima kês músika e Ography pamodi amim ê dançarinu e tudu kês músika ta puxa pa dança”, assim Djam Neguim splika nomi di trabadju.
Kêl viagem pa várius stilu musikal diferente, ki artista ta propô, ta ta passa pa Jazz, Afro-Funk, Funaná, Batuco Afro-jazz, Coutry soul, Hip-Hop-Samba.