Kabu-verdianus Assol Garcia e Nelson Freitas stá nomiadu pa idisôn dêss anu di prémiu International Portuguese Music Awards (IPMA).
Gala di IPMA 2020 stá agendadu pa kuntisi dia 25 d’ Abril, na New Bedford, na Merka e um di kês kombidadu pa kanta ê Dino d’ Santiago.
Nelson Freitas stá nomiadu na katiguria di Midjôr Videoclip ku músika “Every day all day”, ki bem na si nóvu disku “Sempre Verão” e jovem di Djarfôgo, Assol Garcia na katiguria World Music ku música “Luz Brando di bo olhar”, ki stá na si novu disku “Assol garcia canta Djabraba – Nôs morna, nôs raiz”.
Assol Garcia stá konkorri pa 2º anu konsekutivu e na mesmu katiguria stá Dan Tibério di França, Lindsey Camara di Canadá e Fátima Fonseca di Brasil.
E na mesmu katiguria di Nelson Freitas tambê stá merkanu Nikita Afonso, The Code di Purtugal e Tyler & Ryan tambê di Merka.