Dligasôn di Kabu Vêrdi ki stá bai partsipa na trigésimu sextu idisôn di Meia Maratona Internasiunal di Macau Galaxy Entertainment 2017 djá stá djuntadu na Lisboa.
Grupu ta sai di Purtugal manhãn (30) pa partsipa na prova ki ta kuntisi dia 3 di dizémbru.
kumitiva ê chefiadu pa Glenga Aguilar e kês ôtu atletas ê: Sandra Teixeira ki gánha idisôn 2015 e 2016 di prova di São Silvestri di Praia e Nelson Cruz, vice-kampiôn di São Silvestri e kampion di Purtugal di Korta Matu, tudu di 2016 .
Keli ê sétimu bez ki arquipélagu stá bai partsipa na kumpitisôn e ánu passadu país trazi dôs midalha di prata konkistadu pa atletas Ruben Sança e Crisolita Rodrigues.
Maratona Internasiunal di Macau ê um prova rekunhesidu pa Fedrasôn Internasiunal di Atletismu nundi ta partsipa alguns di kês midjor atleta di mundu intéru.