Um roda di kombersu sobri atualidadi e impurtansia di pensamentu di Amílcar Cabral ta kuntisi oji na Cátedra Amílcar Cabral, na Plateau.
Téma ta ser aprisentadu pa Carlos Spínola e moderasôn ta fazêdu pa Nélida Brito.
Rializasôn ê di kumissôn instalador di Muvimentu Federalista Pan Afrikanu – Kabu Vêrdi num parceria ku Assosiasôn di Kombatenti di Liberdadi di Pátria.
Marcha na Praia
Tambê pa silêbra Dia di Heróis Nacionais, Dumingu ta rializadu, na kapital, um marcha, ku partida na Fazenda, pa rakorda herói nasiunal e si kontributu pa nu tem um país livri di dimíniu colonial.
Organizasôn tambê krê txoma atensôn pa kistôn relasionadu ku xenofobia ku imigranti di ôtus pontu d’afrika ki ta vivi na Kabu Vêrdi.
Organizasôn ta spera partsipasôn di jovem di difrênti kumunidadi na marcha ki ta pretendi promôvi promosôn di direitu humanu e ruspêtu.
46 anu sem Cabral
Dumingu ta fazi 46 anu ki Amílcar Lopes cabral dêxanu. Ê foi assassinadu dia 20 di Janeiro de 1973 na Guiné – Conacry ku 49 anu d’idadi.
Kombatênti ki sa ta lutaba kontra Purtugal pa libertasôn di povus di Kabu Vêrdi e di Guiné-Bissau.
Fundadôr di PAIGC e fidju di pai kabu-verdianu nánsi dia 12 di Sitémbru di 1924 na Bafatá, na Guiné Bissau.