Basketbulista internasiunal kabu-verdianu Edy Walter Tavares distaka mas um bez na Liga Oropa di Basketbol.
Giganti di djarmaiu konsidradu MVP – djugadôr más valiosu – na vitória di si ikipa Real Madrid pa 85 – 68 kontra Unics.
Djogu era di désima nona jornada di Euroligue. Posti kabu-verdianu lidêra si ikipa na vitória ku 14 pontu e 11 ressaltu.
Ku 17 vitória e 3 derrota, Real Madrid stá karapatidu na topu di tabela klassifikativu.