Kabu-verdianu Ivan Almeida, basketbolista internasiunal ki tem kontribuidu pa poi nôs bandêra riba lá e ki tambê tem sidu bem kotadu na tudu ikipa internasiunal ki djê passa tambê ê artista.
Ness mumentu ê stá na Kabu Vêrdi nundi ê ta partsipa djuntu ku produtor musikal polaku Chris Korczak num Master Class sobri músika.
Master Class pa produtor musikal e músiku, programadu pa próxima simana, dia 14, ta foka na Produsôn Musikal, Design Musikal, Truki e Dika impurtanti pa ária.
Ivan Almeida ê membro di Sociedade Cabo-verdiana di Música e Chris Korczak ê konsidradu um si kês produtor e kompusitôr más konsagradu di Polónia.
Chris Korczak tambê stá na país pa finda gravasôn fêtu em co-produsôn ku Ivan Almeida di pruméru álbum di Kenny Barbosa, más konshedu pa MCKappa.