Basketbolista kabu-verdianu Edy Tavares ilegêdu midjôr e más efisienti djugadôr di Afrobasket 2021.
Djugadôr di Djarmaio tevi um média di eficiência di 31 pa kada djogu. Si traz fika senegalês Gorgui Dieng ku 25 e marfinensi Matt Costtello ku 24.
Big Edy tambê stá entri kês conco ideal. Inda na All Stars Five stá Makram Ben di Tunísia, Gorgui Dieng di Senegal, Matt Costelo di Costa Marfim e Omar Abada di Tunísia.
Ginganti kriolu tambê ê djugadôr ki konsigui más txeu ressaltu kum média di 14,2 na kada djogu e más txeu blokeiu: 4.
Tambê kabu-verdianu Jeff Xavier foi 3º djugadôr ku más assistência, kum média di 6,6 pa kada djogu.
Ikipa vensidôr
Silesôn di Tunísia di basketbol sénior maskulinu konkista Afrobasket dipôs di gánha Costa di Marfim na final pa 78 – 75.
Okipa ki ilimina Kabu Verdi na meias-finais konkista assim si 3º títulu afrikanu, sugundu konsekutivu dipôs di gánha idisôn di 2011 e 2017.
Na 2º lugar fika Costa di Marfim, Senegal na 3º e Kabu Verdi na 4º. Staba ta partsipa na kumpitisôn kês 16 midjôr silesôn afrikanu di basketbol.