Beira Mar i Rosariense ta kontra oji, dia 20 di janeru, pa 4 hora tardi, na Stádiu João Serra, na Rubera Grandi, pa dissidi últimu vaga na meias-finais di Tasa Rigional di Santanton Norti.
Rosariense mesti so dum impati, enkuantu ki Beira Mar é obrigadu ganha.
Na otu djogu di jornada, Solontense i Santu Krusifixu dja garanti passagi pa meias-finais, enkuantu ki Foguetões fika insentu des ronda.
Tasa Rigional, prumeru kompitison ofisial di tempura, djunta klubi di Paul i di Rubera Grandi i regista ausênsia di Paulense, atual detentor di tasa, ki ka partisipa es anu.