Kantôra kabu-verdiana Bela, ki fazi txeu sucessu na inisiu di anus 2000, stá pripara si regressu pa mundu musika.
Kantôra djá tem serka di 13 anu longi palkus pamodi alguns prublema pessoal e tambê di saúdi.
Na mês passadu si filha lansa kampanha “Djuda Bela relansa na mundu músika”, nundi ê konsigui algum dinhéru ki stá bem lêba artista ti Purtugal pa pripara ess regressu.
Além di apoiu finansêru, Bela tambê ta konta ku apoiu di alguns kolega di músika sima ê kazu di Garry ki dál um músika di sêl pê kanta.
Na si retorno, Bela dêbi grava alguns single, nundi ê ta pusta na Kizomba e Funaná e más pa frênti ê ta bem pensa na grava disku.
Jóvem, di Tarrafal di Santagu, kumêsa Sédu na música, ku 6 anu d’idadi. Ê participa na konkursu “Todo Mundo Kanta”, na Párki 5 di Julhu e si karrêra dikôla na 2002 ku músika “Bô ê nha amor”.