Kantora e kompositora Beyoncé ganha finalmenti Grammy di Disku di Anu e Kendrick Lamar dumina katiguria di Rap.
Beyoncé ki staba nomiadu na 11 katiguria, leba premiu pa si disku Country Cowboy Carter. Ku kela é torna na 1º mudjer negra na 26 anu ta risebi premiu.
Kantora inda ganha prémiu di Midjor Disku Country e Midjor Performance di Duo/ Grupu Country.
Kendrick Lamar foi grandi vensidor di noti ku musika Not Like Us ta ganha Grammy di Gravason di Anu, Musika di Anu e Midjor Performance di Rap e Midjor Musika di Rap.
Entri kes streanti, Chappell Roan foi distaki des idison ta ganha prémiu di midjor artista rivelason.
Sabrina Carpenter brilha també na katiguria pop, ta ganha premiu di midjor performance solo pop ku musika Expresso e midjor disku vocal pop ku Curto e Doce.