Skritôra brasilêra Marilene Pereira stá na Sal pa aprisênta pa alunus di ensinu básiku e sukundáriu livru “Eu Amílcar” di si auturia.
Atividadi ta kuntisi na âmbitu di silebrasôn di Dia di Heróis Nacionais – 20 di Janêru prumuvidu pa Fundasôn Amilcar Cabral.
Di akordu ku kontadôra di stória infantil, livru ê um biografia di Pai di Nasiunalidadi Kabu-verdiana pa públiku infantil.
Na trabadju, Marilene ta konta modi ki foi Cabral, mininu, fidju, djugadôr di futiból, studanti, enfim tudu kuzê kê vivi ti txiga na statutu di Herói Nasiunal. Tudu keli pa mostra pa minins ma nôs tudu nu sa ta ser um pequeno herói quando nu ta leba nôs bida di forma sériu, honestu, didikadu.