Oji Kabu Vêrdi ta djuga ku ikipa anfitriã, Camarões. Djôgu ê di 3ª jornada di kampiunatru Afrikanu di Nações.Camarões djá stá ku passapporti karimbadu pa 2º fazi di taça e Kabu Verdi inda stá luta pa um vaga na oitavus di final.
Kabu Vêrdi perdi pa 1 – 0 ku Burkina Faso na djogu di 2ª jornada di fazi di grupu e na 1º djogu ê gánha Etiopia pa mesmu resuldadu.
Di akordu ku regulamentu di CAF sô ta passa pa próximo fazi kês dôs pruméru lugar di kada grupu más kês 4 midjôr terseru klassifikadu.
Baixa na Silesôn
Silesionadôr nasiunal di futiból, Bubista tôrna testa pusitivu e por issu oji ê ka ta orienta ikipa na djogu kontra Camarões.
Oji ikipa ta torna ser komandadu pa trenadôr-adjunto, Humberto Bettencourt ki tem stadu ta orienta ikipa na tudu djogus dess CAN.
Tambê dipôs ki fazêdu testi di dispistagem pa djogu di oji djugadôr Nuno Borges testa pusitivu e êl ê úniku djugador impididu di entra kampu pamodi covid-19.