Silesionadôr Nasiunal di Futiból Bubista djá rekupêra di Covid-19 e djê sta na Camarões nundi djê sa ta orienta rapazis di Tubarões Azuis pa djogu di sugunda-fêra (17) kontra ikipa anfitriã di Campiunatu Afrikanu di Nações (CAN), Camarões.
Djogu di dia 17 ê disisivu pa nôs silesôn karimba si passaporte pa oitavus di final. Ónti Tubarões Azuis pêri 1 – 0 ku Burkina Faso, mésmu resultado ki ikipa nasiunal gánha si pruméru djogu kontra Etiópia.
Di akordu ku regulamentu di CAF sô ta passa pa próximo fazi kês dôs pruméru lugar di kada grupu más kês 4 midjôr terseru klassifikadu.